Bawat lako, bawat pagkaliskis, bawat alok, bawat benta ay para lahat sa kanyang pamilya. Mahigit isang dekada nang tinutulak ni Michelle Amador, 29, ang kanyang kariton dala ang palapalangganang isda. Hindi sa dami ng kanyang benta at suki ngnatitimbang ang kanyang pangarap kundi sa mga ngiting madadatnan niya pag-uwi mula sa lima niyang anak, sa kabila ng mga alikabok, kaliskis at malansang amoy na natatamo araw-araw sabik siyang uuwi sa tahanang may dalang hapunan. Ang kanyang pagtahak sa lansangan ang maghahatid sa kanyang mga anak tungo sa inaasam na kinabukasan.